MAFANIKIO YA KWELI.

Mafaniko ni kupata kile unacho kitaka, na endapo hauta pata ina maana haujafanikiwa.

Mara nyingi viwango vya mafanikio vinapimwa kwa elimu tuliyopata, kiasi cha fedha tulizonazo benki, ukubwa wa nyumba  zetu, au kiasi gani cha mali tunamiliki.

Tambua kwamba katika maisha ya hapa dunia, kila mtu anaweza fanikiwa kulingana na uhitajia alio nao binafsi, pale tu anapo tosheka na kukidhi uhitaji wake kwa wakati huo, twaweza sema amefanikiwa.

Wakati mwingine, mtizamo huu umekuwa tofauti sana kwa baadhi ya watu kwasababu jamii inayo tuzunguka yenyewe imezoea kuwa Mafanikio ni kuwa na mali nyingi sana. mfano; kumiliki magari, nyumba kubwa, na makampuni makubwa. si kwamba hawapo sawa la hasha, ila wamesahau kuwa mtu anaweza akawa na vitu hivyo ila ndani ya moyo wake, akawa hana amani wakati wote, kwasababu mbalimbali mfano za kifamilia, ambazo zikamwondolea amani kabisa na hata kuona maisha kwake hayana faida, ila si kwamba hana pesa, kwahiyo mafanikio yana anzia ndani ya moyo na kutoka nj'e.

Tumia njia hizi nne ili ufanikiwe katika mambo yako yote.

(1) Jua unacho taka. huwezi ukapata kitu kama hujui unacho kiitaji, kwahiyo jambo la kwanza nikutambua uhitaji wako ni nini, hii ni njia bora ya kwanza ya kuanza kufikia kwenye mafanikio yako yawe ya kiuchumi, kijamii, kiroho.mfano unahitaji kuwa tajiri sana.

(2) Chagua cha kufanya. katika ulimwengu huu ziko fursa nyingi sana ila kati ya hizo zote lazima ifike sehemu uchague moja ambayo unauwezo nayo, na baada ya kuifanya itazidi kukupeleka karibu na mafanikio yako, haitakiwi kubahatisha. mfano unahitaji ufanye biashara, ili ufikie mafanikio yako.

(3) jua namna ya kufanya. Baada ya kuchagua cha kufanya, hicho kitu ulicho ona kwako ni sawa, swali ni kwamba je, una ufahamu au maarifa  ya kutosha juu ya kuendesha jambo hilo, nina maana elimu yake, mfano unahitaji ufuge samaki je, una elimu ya ufugaji wa samaki. katika eneo hili pia kuna mikanganyiko ya watu wengi sana ,kuhusu mtaji wa kuanzia katika jambo lolote ila ukweli ni kwamba Mtaji wa kweli ni ''UBORA WA MAARIFA ALIYO  NAYO  MTU, JUU YA JAMBO ANALO HITAJI KUFANYA''.

(4) Fanya. hii ni hatua ya mwisho Ambayo hukulazimu kuchukua maamuzi ya kuthubutu, watu wengi wameshindwa kufanikiwa si kwamba hawana huitaji, au wameshindwa kuchagua cha kufanya au hawajua namna ya kufanya la hasha, tatizo ni kuthubutu kuanza kufanya, Maneno yamekuwa mengi sana zaidi ya uhalisia. Hofu imekuwa ni tatizo la kuwafanya waone hawawezi kufanya.

Tambua Elimu ni muhimu; lazima tuitafute ile inayopatikana yote. Na hakuna kitu kibaya kuhusu kazi nzuri na utajiri. Ila ukweli hasa ni, jinsi gani tunawatendea wengine na tunafanya nini elimu na fedha zetu ndivyo vitakavyokumbukwa, kwa muda mrefu na watu hata baada ya kufa.

Mafanikio ya kweli yanaweza kupimwa mwishoni mwa maisha yetu, kwa namna tuliyopata kuitumia jamii na kumuheshimu Mungu. Hii ni aina pekee ya mafanikio ambayo huwezi kunyang'anywa.

Unapimaje mafanikio

Tuseme ungelikuwa na fedha nyingi. Ungeliweza kununua kila ulichohitaji. Sasa, yamkini una orodha ndefu ya vitu vya kununua. Na kwa fedha  hizo zote, watu wengi wangeweza  kusema umefanikiwa.

lakini, vipi kuhusu ile orodha nyingine katika upande wa rohoni, nina maana baada ya siku zako za maisha hapa duniani kufika kikomo, upande wa pili itakuwaje?  Orodha halisi ya vitu kama fedha haiwezi kununua, au kukusaidia kitu katika ulimwengu wa pili, baada ya maisha ya hapa duniani kufika kikomo. Orodha inayotoka moyoni, iliyo jaa matendo mema ya kumpendeza Mungu, na wanadamu, hii inaweza kukusaidia.

ni maombi yangu kwako, Mungu wa mbingu na nchi aliye kuumba wewe kwa jinsi ya ajabu ya kutisha, akakuangazie nuru yake katika ufahamua wako, akupe maarifa juu ya huduma ,kazi, familia, na yote utakayo fanya yakawe baraka kwako,. Amen

Ni mimi ndugu yako Counselor Nicholaus Simon.

Kiungo katika mwili wa kristo.

Kwa msaada na ushauri.

whatsap 0654-623492.

pataufahamu@gmail.com

Ubarikiwe sana Na nakuomba nisaidie kushare kwa marafiki zako ili na wao wajifunze Neno la MUNGU.