MAKOSA YANAYOFANYWA NA VIJANA KABLA YA NDOA TAKATIFU.

God is done for you.

Sehemu ya kwanza.

Ndugu yangu nipende kukurabisha katika mfululizo huu wa somo hili, hasa kwa vijana ambao bado hawajaoa na kuolewa.

Katika ulimwengu wa leo sana sana katika maisha siku za hivi karibuni, kumekuwa na kelele na maongezeko makubwa juu ya matatizo ya ndoa katika familia nyingi duniani, Utakubaliana na mimi kwamba kumekuwa na Idadi kubwa sana ya ndoa zinazofungwa katika sehemu mbalimbali katika nyumba za Ibada na hata zile zinazofungwa chini ya usimamizi wa serikali (Bomani) tofauti ni ilivyo fanyika zamani au kipindi cha miaka ya nyuma kidogo.

Kinacho nisikitisha Sana ni gharama kubwa ambazo zimekuwa zikitumika kuandaa sharehe kubwa za harusi ambazo zimekuwa zikigubikwa na huzuni /majuto/simanzi/ugomvi bayana ya wanandoa baada ya kufungwa.

Katika ndoa nyingi zinazo fungwa siku za leo imekuwa ni kama jambo la kawaida sana kusikia wanandoa wapya kabisa kutamka maeneo kama vile ‘‘Najuta kuoa kipindi hiki’’, Nimefanya haraka  au uamuzi mbaya kuingia katika ndoa kwa sasa,’’ ‘‘Siamini kabisa kama mwenzi wangu katoka kwa Mungu”, “yaani nimeoa au kuolewa na kituko”, ‘‘Sina jinsi na vumilia tu, najikaza tu lakini uzalendo umenishinda’’, ‘‘Sina raha kabisa’’,  ‘‘Ningeweza ningeolewa tena’’

Ndugu msomaji fuatilia kwa makini sana mfululizo huu, hakika utakusadia sana kama si wewe hata ndugu na jamaa wanaokuzunguka, lengo ni kuwa na familia bora ambazo hazina manung’uniko kila itwapo leo.

 

   -->Usijiunganishe na mtu asiye okoka. (Wala usimsaidie Mungu kazi/kuokoa)

Mwanzo 24:3 nami nitakuapisha kwa BWANA, Mungu wa mbinguni, na Mungu wa Nchi, kwamba hutamtwalia mwanangu mke katika binti za Wakaani ambao nakaa kati yao.

kama kijana uliye okoka ni kosa kubwa kuoa au kuolewa na mtu asiye okoka, ukisoma andiko hilo katika Mwanzo, utaona jinsi gani Mungu alipiga marufuku kwa mwisrael kuoa au kuolewa na mkaanani, katika maisha yetu ya sasa Mtu yeyote akiokoa naye ni mwisrael na lile Agano linaendelea kwake, na mkaanani ni sawa na mtu asiye okoka.

1petro 2:9-10, Bali ninyi ni mzao mteule, ukuhani wa kifalme, taifa takatifu, watu wa milki ya Mungu, mpate kuzitangaza fadhili zake yeye aliyewaita mtoke gizani mkaingie katika nuru yake ya ajabu; ninyi mliokuwa kwanza si taifa, bali sasa ni taifa la Mungu; mliokuwa hamkupata rehema, bali sasa mmepata rehema.

Kwahiyo mkristo yeyote aliye okoka ni mwisrael. Kama kijana uliye okoka kuoa au kuolewa na mkaanani mtu asiye okoka ni kosa na haitakiwi.

Kuna madhara makubwa pale kijana aliye okoka anapokuwa ameolewa au kuoa na kijana asiye okoka.

1Wafalme 11:1-8, Mfalme sulemani akawapenda wanawake wengi waeni, pamoja na binti yake Farao, wanawake wa Wamoabu, na wa waamoni, na wa waedomi, na  wa sidoni, na wa Wahiti, na wa mataifa BWANA aliyo waambia  wana wa Israeli, Msiingie kwao, wala wasiingie kwenu; kwa kuwa hakika wataigeuza mioyo yenu kuifuata miungu yao. Sulemani akaambatana nao kwa kuwapenda.Akawa na wake mia saba binti za kifalme,na Masuria mia tatu; nao wakeze wakamgeuza moyo. Maana ikawa, sulemani alipokuwa mzee, wake zake wakamgeuza moyo wake, afuate miungu mingine, wala moyo wake haukuwa mkamilifu kwa BWANA, Mungu wake, kama moyo wa Daudi baba yake. Kwa kuwa sulemani akamfuata Ashtorethi, mungu mke wa Wasidoni na Milkomu, chukizo la Waamoni. Sulemani akafanya yaliyo mabaya machoni pa BWANA, Wala hakumfuata BWANA kwa utimilifu, kama Daudi baba yake. Sulemani akamjengea kemoshi, chukizo la Wamoabi,mahali pajuu, katika mlima uliokabili Yerusalemu, na Moleki, chukizo la wana wa Amoni. Na kadhalika ndivyo alivyowafanyia wake zake wan chi za kigeni, waliofukiza uvumba, wakawatolea miungu yao dhabihu.Basi BWANA akamghadhibikia  sulemani kwa sababu moyo wake umemgeuka, naye amemwachqa BWANA, Mungu wa Israel, aliye mtokea mara mbili. 

Kama mfalme sulemani, alishindwa kuwageuza wanawake ambao alikatazwa asioe, tambua hata wewe kama kijana endapo utakubali kumuoa au kuolewa na mtu asiye okoka Mungu hukuacha.

2Kor 6:14-17, Msifungiwe nira pamoja na wasioamini, kwa jinsi isivyo sawasawa; kwa maana pana urafiki gani kati ya haki na uasi? Tena pana shirika gani kati ya haki na uasi ? Tena pana shirika gani kati ya haki giza? Tena panaulinganifu gani kati ya kisto na Beliari? Au yeye aaminiye ana sehemu gani pamoja na yeye asiyeamini?Tena pana mapatano gani kati ya hekalu la Mungu na sanamu? Kwa maana sisi tu hekalu la Mungu aliye hai; kama Mungu alivyosema, ya kwamba, Nitakaa ndani yao, na kati yao nitatembea, nami nitakuwa, nami nitakuwa Mungu wao, nao watakuwa watu wangu. Kwa hiy,  Tokea kati yao, Mkatengwe nao, asema Bwana, Msiguse kitu kilicho kichafu, Nami nitawakaribisha. Nitakuwa Baba kwenu, Nanyi mtakuwa kwangu wanangu wa kiume na wa kike, asema Bwana Mwenyezi.  

Bado msisitizi kutoka kwa mtume paul kwa wakorintho ni kutochangamana na watu wasio waaminio katika maswala ya ndoa na mambo yanayohusu kuabudu.

Waefeso 4:1-6, Kwa hiyo nawasihi, mimi niliye mfungwa katika Bwana, mwenende kama inavyoustahili wito wenu mlioitiwa; kwa unyenyekevu wote na upole, kwa uvumilivu, mkichukuliana katika upendo; na kujitahidi kuuhifadhi umoja wa Roho mmoja, kama na mlivyoitwa katika tumaini moja la wito wenu. Bwana mmoja, imani moja, ubatizo mmoja. Mungu mmoja, naye ni Baba wa wote , aliye juu ya yote na katika yote na ndani ya yote.

Ndugu yangu kijana eneo hili kwa upande mwingine huwa ni gumu sana tena kama upo kwenye mahusiano na mtu asiye okoka, ila nikutie moyo upo uwezekano wa kujitoa katika kifungo hicho ambacho mwisho wa siku kitakuwa ni kikubwa Zaidi, kadri somo litakavyo kuwa linaendelea jitahidi sana kufuatilia mfululizo huu, naamini utapata maarifa mapya ambayo hukuwa nayo.

Counselor Nicholaus Simon & Mch Gregoly David.

Viungo katika mwili wa kristo.

Kwa msaada na ushauri.

piga: 0766 – 635382 / 0654 623 492.

whatsap namba: 0654-623492.

pataufahamu@gmail.com

Ubarikiwe sana na nakuomba nisaidie kushare kwa marafiki zako ili na wao wajifunze Neno la MUNGU.